امام مہدی ؑ کی شان میں گستاخی کے خلاف اہلسنت میدان میں آگئے
شیعہ نیوز (پاکستانی شیعہ خبر رساں ادارہ) امام زمانہ مہدی آخر الزمان عج کی شان میں گستاخی کیخلاف پاکستان کے اہلسنت بھی میدان میں آگئے۔
تفصیلات کے مطابق آل پاکستان سنی تحریک کے زیر اہتمام حضرت امام مہدی علیہ السلام کی شان اقدس میں گستاخی کے خلاف کراچی پریس کلب پر احتجاجی مظاہرہ منعقد کیا گیا۔ احتجاجی مظاہرے کی قیادت چیئرمین آل پاکستان سنی تحریک مطلوب اعوان قادری نے کی ۔
احتجاجی مظاہرے میں تمام مکاتب فکر کے علمائے کرام نے خطاب کرتے ہوئے حضرت امام مہدی ؑکی شان مبارکہ میں گستاخی کرنے والےملعون عبدالستار جمالی کو سخت سزادینے کا مطالبہ کیا۔
مقررین نے کہاکہ حضرت امام مہدی ؑکی شان بابرکت میں گستاخی کرنے والے ستار جمالی کا کیس کراچی منتقل کرکے انسداددہشت گردی عدالت میں چلایاجائے اور اس گستاخ کو عبرت ناک سزادی جائے۔
احتجاجی مظاہرے سےیونٹی پیس کمیٹی کے چیئرمین ظفر مقصود ،متحدہ علماء محاذ کے چیئرمین خالق فریدی،متحدہ علماء محاذ کے بانی جنرل سیکرٹری محمد امین انصاری، ممتاز عالم دین وجہہ الدین،مرتضیٰ رحمانی، آل پاکستان سنی تحریک کے صدر صدیق قادری، چیئرمین آل پاکستان سنی تحریک مطلوب اعوان قادری نے بھی خطاب کیا۔
