اسلامی تحریکیںپاکستانی شیعہ خبریںہفتہ کی اہم خبریں
علامہ راجہ ناصرعباس اور علامہ عارف واحدی کی اہم ملاقات
شیعہ نیوز (پاکستانی شیعہ خبر رساں ادارہ) شیعہ علماءکونسل پاکستان کے مرکزی جنرل سیکریٹری علامہ عارف حسین واحدی نے مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری سے جامعہ الولایہ اسلام آباد میں اہم ملاقات کی ۔
دونوں رہنماؤں کے درمیان ملاقات میں اہم دینی امور پر گفتگو ہوئی خاص کر کورونا وائرس سے پیش آمدہ صورت حال میں ماہ مبارک رمضان کی اجتماعی عبادات،ایام شہادت حضرت امیر المومنین علی ابن ابی طالب میں مجالس عزا،ماتمی جلوسوں،عزاداری کے پروگراموں اور دیگر اہم قومی امور کے حوالے سے طویل مشاورت ہوئی۔
اس موقع پرعلامہ عارف واحدی اور علامہ راجہ ناصرعباس کے درمیان اس اہم ملاقات میں ان تمام امور پر باہم مربوط رہنے اور مشاورت جاری رکھنے پر اتفاق ہوا۔
