مقبوضہ کشمیرمیں آج پھرمظلومین کوتشدد کا نشانہ بنایا گیا‘میرواعظ عمرفاروق

  • پیر, 04 فروری 2019 12:49

شیعہ نیوز(پاکستانی شیعہ خبر رساں ادارہ) سری نگر: کشمیری حریت رہنما میرواعظ عمرفاروق کا کہنا ہے کہ نوجوانوں کومشتعل کر کے تشدد کی طرف دھکیلا جا رہا ہے۔تفصیلات کے مطابق کشمیری حریت رہنما میرواعظ عمرفاروق نے سماجی رابطے کی ویب سائٹ ٹویٹر پراپنے پیغام میں کہا کہ فتح کدل میں مقتول رئیس صوفی کے گھرپردھاوا بولا گیا۔میر واعظ عمر فاروق نے کہا کہ پولیس نے گھرمیں گھس کرتوڑپھوڑکی اورتشدد کا نشانہ بنایا گیا، 8 ماہ کے بچے پرمرچوں کا اسپرے کیا گیا، باپ نے روکنے کی کوشش کی توبے رحمی سے مارا پیٹا گیا۔کشمیری حریت رہنما نے رہنما نے کہا کہ ایسی کارروائیاں منصوبہ بندی کے تحت کی جا رہی ہیں، نوجوانوں کومشتعل کرکے تشدد کی طرف دھکیلا جا رہا ہے۔یاد رہے کہ یکم فروری کو قابض بھارتی فورسز نے مقبوضہ کشمیر کے علاقے پلواما میں فائرنگ کرکے 2 کشمیری نوجوانوں کو شہید کردیا تھا۔واضح رہے کہ مقبوضہ کشمیر میں بھارتی فوج آزادی کی آواز کو دبانے کے لیے مختلف ہتھکنڈے استعمال کررہی ہے اور اب تک ہزاروں کشمیری شہید اور زخمی ہوچکے ہیں۔

 

Leave a comment

Make sure you enter all the required information, indicated by an asterisk (*). HTML code is not allowed.