بزدلانہ کاروائی میں بھارت اور اسرائیل ملوث ہے۔ رہنما ایم ڈبلیو ایم
شیعہ نیوز:مجلس وحدت مسلمین پاکستان کے رہنما علامہ باقر عباس زیدی،علامہ صادق جعفری ،علامہ مبشر حسن نے خضدار معصوم بچوں کو دہشتگردی کا نشانہ بنانے کی مذمت کرتے ہوئے کہنا تھا کہ بزدلانہ کاروائی میں بھارت اور اسرائیل ملوث ہے۔ اس سے قبل بھی پشاورسانحہ آرمی پبلک اسکول میں معصوم بچوں کو دہشتگردی کا نشانہ بنایا گیا تھا۔بلوچستان میں مسلسل دہشتگری پھیلا کر ہر طبقات میں خوف کی فضاء پیدا کی جارہی ہے۔ بھارت و اسرائیل ہمیشہ عالمی میڈیا میں پاکستان کو ایک ایسی غیر محفوظ ریاست جہاں دہشت گردوں کی محفوظ پناہ گاہیں ثابت کرنے کے لیے ایڑی چوٹی کا زور لگانے کی مزموم سازشیں کرتے رہیں ہیں۔ماضی میں سانحہ پشاور اور آج خضدار میں تاریخ کی بدترین دہشتگردی ہوئی۔استعماری قوتیں ملک میں عدم استحکام دیکھناچاہتے ہیں بلوچستان میں جاری دہشتگردی میں دہشتگردجماعتوں کے پیچھے بھارتی و اسرائیلی خفیہ ایجنسیاں ملوث ہیں۔دہشتگردوں اور ان کے سہولت کاروں کے خلاف بھر پور ایکشن لیے جانا از حد ضروری ہے۔آج ملک و اسلام دشمن عناصر کی ہار کا دن ہے پوری قوم دہشتگردی کے خلاف متحد ہے ننھے پھولوں کی قربانی رائے گاہ نہیں جائیں گی۔ واقعہ میں ملوث دہشتگردوں کے خلاف فوری آپریشن کیا جائے۔ خضدار بس میں شہید ہونے والے بچوں کے لواحقین سے دلی ہمدردی کا اظہار کیا ان کا کہنا تھا کہ اہلخانہ کے غم میں برابر کے شریک ہیں زخمیوں کی جلد صحتیابی کیلئے دعاء کے ساتھ عوام سے ان کی صحتیابی کی دعاء کی اپیل کی۔
