بھارت اور پاکستان جنگ بندی کے لئے تیار ہو گئے، ٹرمپ کا ایکس پر اعلان

شیعہ نیوز: سماجی رابطے کی ویب سائٹ ایکس پر جاری اپنے بیان میں ڈونلڈ ٹرمپ نے کہا کہ امریکہ کی ثالثی میں بھارت اور پاکستان فوری جنگ بندی پر متفق ہوگئے ہیں۔

امریکی صدر ڈونلڈ ٹرمپ نے ایکس پر جاری اپنے بیان میں کہا کہ بھارت اور پاکستان نے مکمل اور فوری جنگ بندی پر رضا مندی ظاہر کر دی ہے، پاکستان اور بھارت نے ہوش مندی اور دانشمندی کا مظاہرہ کیا۔

یہ بھی پڑھیں : غزہ میں کمزور طبقات قحط، بیماری اور موت کے دہانے پر ہیں، اقوامِ متحدہ

اس سے قبل پاکستان کے وزیر خارجہ اسحاق ڈار کا کہنا تھا کہ اگر بھارت امن چاہے تو پاکستان بھی تیار ہے۔

اسحاق ڈار کا کہنا تھا کہ ان کا امریکی وزیر خارجہ سے رابطہ ہوا جس میں مارکو روبیو نے کہا کہ کشیدگی کم کی جائے کیونکہ یہ صورت حال دنیا افورڈ نہیں کر سکتی۔

دوسری طرف بھارتی فوج کی ترجمان کرنل صوفیہ قریشی نے کہا کہ بھارت تناؤ میں کمی لانے پر تیار ہے، شرط یہ ہے کہ پاکستان بھی ایسا کرے۔