وزیر داخلہ محسن نقوی کی ایرانی صدر ڈاکٹر مسعود پزشکیان سے ملاقات

شیعہ نیوز: وفاقی وزیر داخلہ محسن نقوی نے تہران میں ایرانی صدر ڈاکٹر مسعود پزشکیان سے ملاقات کی۔ پاکستانی وفد سے گفتگو میں ایرانی صدر نے کہا کہ صہیونی حکومت مسلمانوں کی صفوں کو کمزور اور تقسیم کرنے کی کوشش کر رہی ہے۔ انہوں نے کہا کہ اسلامی دنیا کو صہیونی حکومت کا مقابلہ آپس میں اتحاد و یکجہتی سے کرنا چاہیئے۔

یہ بھی پڑھیں: امریکی محکمہ خارجہ کے 1400 ملازمین کی برطرفی

ایرانی صدر نے 12 روزہ جنگ میں ایران کی حمایت کرنے پر پاکستانی حکومت کا شکریہ ادا کیا۔ اس موقع پر وزیر داخلہ محسن نقوی نے ایرانی عوام کو صہیونی جارحیت کے خلاف تاریخی فتح پر مبارکباد دی۔