پاکستانی زائرین گرامی کیلئے ایرانی حکومت کا ایک اور شاندار اقدام

شیعہ نیوز : پاکستانی زائرین گرامی کیلئے ایرانی حکومت کا ایک اور شاندار اقدام ،ایران ایئر نے بلوچستان کے دارالحکومت کوئٹہ سے ایرانی شہروں زاہدان اور مشہد کے لئے براہ راست ہفتہ وار مسافر اور کارگو پروازیں شروع کرنے کا منصوبہ بنایا ہے۔ جس کا مقصد پڑوسی ممالک کے درمیان تجارت اور سفر کو فروغ دینا ہے۔

کوئٹہ میں ایران کے قائمقام قونصل جنرل علی رضا رجائی نے بتایا کہ نئی فضائی سروس تجارت کو آسان بنانے، سفری وقت اور تاجروں کے اخراجات کو کم کرنے اور دو طرفہ تعلقات کو مضبوط بنانے میں مدد کرے گی۔

اس بات کا اعلان پاک ایران جوائنٹ چیمبر آف کامرس کے زیر اہتمام ایک تقریب میں کیا گیا۔ قائمقام قونصل جنرل نے مضبوط تعاون کی ضرورت پر زور دیتے ہوئے کہا کہ پروازوں کا مقصد پاکستان اور ایران کے درمیان تجارت اور سفر کو آسان بنانا ہے۔