ایران کا پانچ میگا ٹیکنالوجی منصوبوں کا اعلان، پابندیوں کے باوجود شاندار ترقی

شیعہ نیوز:ایران کی نیورڈک کمپنی کے ڈائریکٹر نے ریفائننگ انڈسٹری میں پانچ میگا ٹیکنالوجی پروجیکٹ شروع کرنے کا اعلان کیا۔

رپورٹ کے کے مطابق، ایران کی نیشنل آئل ریفائننگ اینڈ ڈسٹری بیوشن کمپنی (NIORDC) کے ڈائریکٹر مہدی حسینی نے ریفائننگ انڈسٹری میں پانچ میگا ٹیکنالوجی پروجیکٹ شروع کرنے کا اعلان کیا۔

انہوں نے کہا کہ ان منصوبوں کا مقصد قومی مصنوعات کی ویلیو چین کی تکمیل، ریفائننگ کے عمل کی بہتری، آپریشنل رکاوٹوں کو دور کرنا اور ڈیجیٹل تبدیلی کو آگے بڑھانا ہے۔
انہوں نے مزید کہا کہ ہر میگا پروجیکٹ میں 20 سے زیادہ ذیلی پروجیکٹ شامل ہیں۔

یہ بھی پڑھیں : امریکہ ٹرمپ کی سرپرستی میں بین الاقوامی آمریت کے ایک نئے دور میں داخل ہو گیا ہے، محسن رضائی

حسینی نے وضاحت کی کہ حالیہ مہینوں میں، کمپنی نے ریفائننگ سیکٹر میں اہم چیلنجوں اور جدید ٹیکنالوجی سے فائدہ اٹھانے کے لیے پانچ میگا پروجیکٹس کی نشاندہی کی ہے۔

انہوں نے کہا کہ ایک قابل ذکر کارنامہ ریزیڈیو ڈیسلفرائزیشن (RCD) یونٹ کی ترقی ہے، جو کمرشلائزیشن تک پہنچ چکی ہے جب کہ ایک اور اہم پروجیکٹ میں ایندھن کو سوئی کوک اور اسپنج کوک میں تبدیل کرنے کے لیے تکنیکی معلومات شامل ہیں، جسے ریسرچ انسٹی ٹیوٹ آف پیٹرولیم انڈسٹری نے تیار کیا ہے۔

مہدی حسینی نے کہا کہ پابندیوں اور غیر ملکی مہارت تک محدود رسائی کے باوجود، شازند اور بندر عباس ریفائنریوں نے اس ٹیکنالوجی کو کامیابی سے آگے بڑھایا ہے۔

انہوں نے زور دے کر کہا کہ ملک کی ریفائننگ انڈسٹری اپنی ریسرچ ٹیکنالوجی میں حیرت انگیز ترقی کرتے ہوئے امریکہ اور یورپ کی اجارہ داری کو چیلنج کر چکی ہے۔