ایران مشرق وسطیٰ میں ٹرمپ کے لئے سب سے بڑا چیلنج ہے، امریکی تھنک ٹینک

شیعہ نیوز: اسلامی جمہوریہ ایران کی اسقامت کی طرف اشارہ کرتے ہوئے امریکی تھنک ٹینک نے اپنے تجزیے میں کہا ہے کہ ایران کے بارے میں امریکی پالیسی کے لیے ابھی تک کوئی واضح تزویراتی سمت نہیں ہے۔ مشرق وسطی کے امور بارے امریکی تھنک ٹینک نے اپنے تجزیے میں کہا ہے کہ ایران کے خلاف سیاسی اور اقتصادی دباؤ کی پالیسی کے باوجود ٹرمپ انتظامیہ اس الجھن کا شکار ہے کہ ایران سے کیسے نمٹا جائے۔

مڈل ایسٹ انسٹی ٹیوٹ کے مطابق زیادہ سے زیادہ دباؤ کے نقطہ نظر کو جاری رکھنا، مذاکرات یا جنگ جیسے دھمکی آمیز پیغامات بھیجنا اور ایران سے گیس اور بجلی خریدنے کے لیے عراق کے لئے پابندیوں سے استثنیٰ کو منسوخ کرنا، ٹرمپ انتظامیہ کی جانب سے اپنی دوسری مدت کے اس مختصر عرصے میں کیے گئے ایران مخالف اقدامات میں سے سب سے اہم ہیں۔

یہ بھی پڑھیں: یمن میں امریکہ کا فضائی حملہ، 31 افراد شہید، متعدد زخمی

تھنک ٹینک کے مطابق ٹرمپ نے فاکس بزنس کے ساتھ اپنے انٹرویو میں دعویٰ کیا تھا کہ انہوں نے ایرانی رہنماؤں کو ایک خط لکھا ہے جس میں ایرانی جوہری معاملے پر مذاکرات کی تجویز پیش کیساتھ کہا ہے کہ وہ جنگ اور مذاکرات میں سے کسی ایک کا انتخاب کریں۔ مڈل ایسٹ انسٹی ٹیوٹ نے اپنے تجزیے میں اس بات پر زور دیا ہے کہ رہبر انقلاب اسلامی ایران آیت اللہ خامنہ ای نے ٹرمپ کی دعوت کے جواب میں امریکہ کو غنڈہ گرد ریاست قرار دیا ہے۔