ایران کے سنی علاقوں میں اہل سنت قاضی تعینات کرنے کااعلان

شیعہ نیوز (پاکستانی شیعہ خبر رساں ادارہ) ایران کی اعلیٰ عدلیہ کے سربراہ آیت الله سید ابراہیم رئیسی نے ملک کے سنی علاقوں میں اہل سنت قاضی تعینات کرنے کا اعلان کیا ہے۔

رپورٹ کے مطابق ایران کی اعلیٰ عدلیہ کے سربراہ آیت الله سیدابراہیم رئیسی نے کہا ہے کہ ملک کے وہ علاقے جہاں اہل سنت کی اکثریت ہے وہاں سنی قاضی تعینات کئے جائیں گے۔

انہوں نے کہا کہ سب مل کرملک کی ترقی کے لئے کام کریں، اعلی عدلیہ ملک کی ترقی میں کردار ادا کرنے والے افراد کی حمایت جاری رکھے گی۔

انہوں نے کہا کہ تیل کی قیمت کو بہانہ بنا کر ملک میں فساد پھیلانے اور سرکاری املاک کو نقصان پہنچانے والے افراد کو انصاف کے کٹھرے میں لایا جائے گا۔