رہبر معظم سید علی خامنہ ای سے ایرانی بحریہ کے کمانڈروں کی ملاقات
شیعہ نیوز (پاکستانی شیعہ خبر رساں ادارہ) ایران کے قومی یوم بحریہ کے موقع پر ایران کی بحری افواج کے کمانڈروں اور اعلی اہلکاروں کے ایک گروپ نے ایرانی مسلح افواج کے کمانڈر انچیف آیت اللہ العظمیٰ سید علی خامنہ ای سے ملاقات کی۔
ملاقات کے دوران رہبر معظم نے ایرانی بحریہ کی جنگی طاقت اور دفاعی سازوسامان کو بہتر بنانے اور بین الاقوامی پانیوں میں کشتی رانی جیسے اقدامات کو جاری رکھنے کی ضرورت پر زور دیا۔
رہبر انقلاب نے کہا کہ مسلح افواج اور حکومت اور دیگر اداروں کے درمیان تعلقات کو مضبوط بنانے سے تعاون اور پیشرفت میں اضافہ ہوگا۔
آیت اللہ خامنہ ای نے اپنی ہدایات میں ایک اور جگہ اس بات پر زور دیا کہ سمندروں کے مواقع اور صلاحیتوں سے فائدہ اٹھانا ملک میں ایک عمومی ثقافت بن جانا چاہیے۔
انہوں نے قدیم زمانے میں ایرانیوں کے سمندری تجربے کے بارے میں بھی بات کی جس کی وجہ سے اسلامی اور ایرانی ثقافت و تہذیب دنیا کے دوسرے حصوں میں منتقل ہوئی۔
ملاقات میں ایرانی نیوی کے کمانڈر ریئر ایڈمرل شہرام ایرانی نے بھی رہبر معظم کو مختلف شعبوں میں پاک بحریہ کے اقدامات اور منصوبوں کے بارے میں آگاہ کیا۔
خیال رہے کہ ایرانی کیلنڈر میں 28 نومبر کو بحریہ کا قومی دن منایا جاتا ہے۔
