ایران اور روس کے تعلقات پہلے سے کہیں زیادہ مضبوط اور ماسکو تہران کا اسٹریٹجک پارٹنر ہے، عراقچی

شیعہ نیوز: ایرانی وزیر خارجہ نے کہا کہ ایران اور روس کے تعلقات پہلے سے کہیں زیادہ مضبوط ہیں اور تہران ماسکو کو ایک اسٹریٹجک پارٹنر سمجھتا ہے۔

رپورٹ کے مطابق، ایرانی وزیر خارجہ عباس عراقچی نے ماسکو میں اپنے روسی ہم منصب سرگئی لاوروف کے ساتھ ملاقات میں کہا کہ ایران روس کو ایک اسٹریٹجک پارٹنر سمجھتا ہے۔

انہوں نے مزید کہا کہ گزشتہ روز صدر پیوٹن سے بہت اچھی اور طویل ملاقات رہی اور انہیں رہبر معظم انقلاب کا تحریری پیغام پہنچایا۔”

یہ بھی پڑھیں : امریکی جنگی طیاروں کا یمن پر شدید حملہ، تیل کی بندرگاہ تباہ، 38 شہری شہید

عراقچی نے کہا کہ یہ صدر پوٹن اور پوری دنیا کے لیے ایک پیغام تھا کہ ایران روس کو اپنا اہم اور اسٹریٹیجک پارٹنر سمجھتا ہے اور اہم امور پر مشاورت کرتا ہے۔

انہوں نے مزید کہا کہ شاید تاریخ میں کبھی بھی ایران اور روس کے درمیان اتنے قریبی اور مضبوط تعلقات نہیں رہے ہیں۔ ہم نے حال ہی میں ماسکو میں ایک جامع اسٹریٹجک معاہدے پر دستخط کیے ہیں جس سے دوطرفہ تعلقات کو فروغ ملا ہے۔

ایرانی وزیر خارجہ جمعرات کو ماسکو پہنچے جہاں صدر ولادیمیر پوٹن سے ملاقات کی اور انہیں رہبر معظم انقلاب اسلامی حضرت آیت اللہ العظمی سید علی خامنہ ای کا تحریری پیغام پہنچایا۔