ایران اور ازبکستان کا دوطرفہ جامع تعلقات کے فروغ پر اتفاق

شیعہ نیوز:ایران اور ازبکستان کے حکام نے ایک ملاقات کے دوران معیشت سمیت تمام شعبوں میں باہمی تعلقات کے فروغ پر اتفاق کیا۔

رپورٹ کے مطابق، ایران میں ازبکستان کے سفیر فرید الدین نصریوف نے تہران میں ایرانی صدر کے معاون برائے علاقائی امور علی نجفی خوشرودی سے ملاقات کی۔

یہ بھی پڑھیں : یمنی فوج نے الحدیدہ کی فضا میں امریکی ڈرون طیارہ مار گرایا

فریقین نے دونوں ممالک کے ثقافتی اور تاریخی مشترکات پر زور دیتے ہوئے تمام شعبوں میں دو طرفہ تعاون بڑھانے پر اتفاق کیا۔

دونوں اعلی عہدیداروں نے ایران اور ازبکستان کے درمیان تجارتی تبادلوں کے حجم میں اضافے اور اقتصادی تعلقات کو آسان بنانے پر بھی زور دیا۔

اس ملاقات میں ایران ازبکستان مشترکہ اقتصادی تعاون کمیشن کے اجلاس کے انعقاد کے حوالے سے مشاورت کی گئی۔