ایران کا ذکر تک نہیں ہوا!، ٹرمپ اور پوتین کی ٹیلی فونی بات چیت، کریملن کا باضابطہ بیان
شیعہ نیوز: گزشتہ روز پوتین اور ٹرمپ نے ٹیلی فون پر بات چیت کی اور یوکرین کے حالات کے علاوہ مغربی ایشیا اور بحیرہ احمر کی صورت حال کا بھی جائزہ لیا۔
اس گفتگو کے بعد، ٹرمپ نے دعوی کیا تھا کہ ایران بھی مذکورہ گفتگو کا محور رہا تاہم کریملن کی جانب سے جاری باضابطہ بیان میں آیا ہے کہ روس اور امریکہ کے صدور نے مختلف بین الاقوامی مسائل پر بات ضرور کی تاہم اس دوران ایران کا نام تک نہیں لیا گیا۔
یہ بھی پڑھیں : انسانی حقوق کونسل میں مغرب کے مداخلت پسندانہ طرزعمل پر ایران کی سخت تنقید
روس کے صدارتی محل کے بیان میں درج ہے کہ دونوں صدور نے یوکرین کے بارے میں گفتگو کی اور اس مسئلے کو پرامن طریقے سے حل کرنے پر بھی زور دیا۔
رپورٹ کے مطابق، پوتین نے یوکرین جنگ کے خاتمے کے لیے ٹرمپ کے اقدامات کی قدردانی کی اور 30 روزہ جنگ بندی کی تجویز کے بارے میں روس کے صدر نے یوکرین کو دوبارہ ہتھیار سے لیس نہ کرنے اور جنگ بندی پر کڑی نظر رکھنے پر زور دیا۔
یوکرین کی بنیادی تنصیبات اور بحیرہ اسود میں روس کے جہازوں کے تحفظ پر بھی روس اور امریکہ کے صدور نے اتفاق کیا۔
کریملن کے مطابق، پوتین اور ٹرمپ نے روس اور یوکرین کے درمیان قیدیوں کے تبادلے کے علاوہ مغربی ایشیا اور بحیرہ احمر کی صورت حال کا بھی جائزہ لیا۔
