ایران کسی بھی قیمت پر مذاکرات نہیں کرے گا، صدر پزشکیان
شیعہ نیوز: ایرانی صدر نے امریکہ کے ساتھ بات چیت کو مسترد کرتے ہوئے کہا کہ تہران کسی بھی قیمت پر براہ راست مذاکرات نہیں کرے گا۔
رپورٹ کے مطابق، ایران کے صدر مسعود پزشکیان نے ملکی حکام سے ایک ملاقات کے دوران کہا کہ ہم مذاکرات پر یقین رکھتے ہیں لیکن امریکہ کے ساتھ کسی قیمت پر مذاکرات نہیں کریں گے۔
انہوں نے مزید کہا کہ ہم جنگ، بدامنی یا جوہری ہتھیاروں کی تلاش میں نہیں، بلکہ مذاکرات چاہتے ہیں لیکن امریکہ کے ساتھ براہ راست بات چیت نہیں ہو سکتی۔
یہ بھی پڑھیں : مظلوم فلسطینی عوام سے یکجہتی کیلئے کراچی میں تاجروں کی ہڑتال، کاروبار بند
ایرانی صدر نے زور دیا کہ امریکیوں کو یہ ثابت کرنا ہوگا کہ وہ نیک نیتی کے ساتھ مذاکرات کے خواہاں ہیں۔
انہوں نے مزید کہا کہ حقیقت یہ ہے کہ ایران اپنی جوہری صلاحیتوں کو پرامن مقاصد کے لئے استعمال کرنے کا ارادہ رکھتا ہے، یہ صرف دعوی نہیں، بلکہ رہبر انقلاب کا دینی فتویٰ ہے۔
پزشکیان نے مزید کہا کہ ہم مذاکرات پر یقین رکھتے ہیں، لیکن تذلیل ہرگز قبول نہیں۔
