ایران حملوں کے سائے میں مذاکرات نہیں کرے گا، مغربی میڈیا
شیعہ نیوز: مغربی میڈیا نے کہا ہے کہ ایران پر حملے اور مذاکرات بیک وقت نہیں ہوسکتے ہیں۔
رپورٹ کے مطابق ایران اور اسرائیل کے درمیان حملوں کا تبادلہ بڑھنے کے بعد جنگ بندی کے لیے مطالبہ تیز ہورہا ہے۔
مغربی خبررساں ادارے رویٹرز نے باخبر ذرائع کے حوالے سے رپورٹ دی ہے کہ ایران، اسرائیلی حملوں کے دباؤ میں کسی بھی قسم کی جنگ بندی کو قبول نہیں کرے گا۔
یہ بھی پڑھیں : اسرائیلی معیشت مکمل طور پر مفلوج ہوچکی ہے، صہیونی اخبار
اس رپورٹ کے مطابق، ایک باخبر ذریعے نے بتایا ہے کہ ایران نے قطر اور عمان کے ثالثوں کو واضح طور پر آگاہ کیا ہے کہ وہ جب اسرائیل کے حملوں کی زد میں ہے، جنگ بندی یا مذاکرات پر آمادہ نہیں ہے۔
نام ظاہر نہ کرنے کی شرط پر مذکورہ ذریعے نے مزید کہا کہ ایرانی حکام نے قطری اور عمانی ثالثوں کو مطلع کردیا ہے کہ وہ اسرائیل کے پیشگی حملوں کا مکمل جواب دینے کے بعد ہی کسی سنجیدہ مذاکرات میں شرکت کریں گے۔
اس باخبر ذریعے کے مطابق، ایران نے یہ مؤقف بالکل واضح انداز میں اپنایا ہے کہ حملے کی حالت میں مذاکرات ممکن نہیں۔
انہوں نے اس بات کی بھی تردید کی کہ ایران نے قطر یا عمان کے ذریعے امریکہ سے جنگ بندی یا جوہری مذاکرات کی بحالی کے لیے ثالثی کی درخواست کی ہے۔
