ایران کے محکم جواب نے اسرائیل اور امریکہ کو حملے بند کرنے پر مجبور کردیا، قالیباف

شیعہ نیوز: ایران کی پارلیمنٹ مجلس شورائے اسلامی کے اسپیکر ڈاکٹر محمد قالیباف نے کہا ہے کہ ہمارے ملک پر امریکہ اور صیہونی حکومت نے بالواسطہ مذاکرات کے دوران حملہ کیا۔

رپورٹ کے مطابق ایران کی پارلیمنٹ مجلس شورائے اسلامی کے اسپیکر نے بدھ 9 جولائی کو تہران میں بیلا روس کے سفیر سے ملاقات میں ایران پر امریکہ اور صیہونی حکومت کی جارحیت کے دوران، بیلا روس کی حکومت کے موقف کی قدردانی کی۔

یہ بھی پڑھیں : کویتی طالبہ کی فلسطینی نسل کشی کے خلاف آواز بلند کرنے سے روکنے پر برطانوی یونیورسٹی پر مقدمہ

انھوں نے کہا کہ ہماری ایٹمی تنصیبات پر حملے قانون کی بدترین خلاف ورزی تھی جس کا ارتکاب امریکہ اور صیہونی حکومت نے کیا ۔

ایران کے اسپیکر نے کہا ک امریکہ اور صیہونی حکومت نے ایسی حالت میں ہماری پر امن ایٹمی تنصیبات پر حملہ کیا ہے کہ ہم این پی ٹی کے رکن ہیں اور ہماری ایٹمی تنصیبات آئی اے ای اے کی نگرانی میں کام کررہی تھیں۔

انھوں نے کہا کہ ہم امریکہ کے ساتھ بالواسطہ مذاکرات کررہے تھے کہ ہم پر حملے شروع کردیئے گئے۔

قالیباف نے کہا کہ ہمارے ملک پر مسلط کردہ 12 روز جنگ کے دوران صیہونی حکومت پر ہمارے جوابی حملے ایسے دندں شکن تھے کہ اس سے پہلے صیہونی حکومت کی غیر قانونی زندگی میں اس پر اتنے شدید جوابی حملے نہیں کئے گئے تھے جن کے نتیجے میں امریکہ اور صیہونی حکومت جنگ بند کرنے پر مجبور ہوگئے۔

انھوں نے کہا کہ اگر انھوں نے دوبارہ ہمارے ملک پر حملہ کیا تو ہمارا جواب اس سے بھی زیادہ محکم اور سخت ہوگا۔