عراق: دہشت گرد امریکی فوجیوں پر حشد الشعبی کا خوف طاری
شیعہ نیوز (پاکستانی شیعہ خبر رساں ادارہ) عراق میں امریکی فوجی چھاؤنیاں امریکہ کے باوردی دہشت گردوں کے لئے جیلوں میں تبدیل ہو چکی ہیں۔ یہ بات عراقی پارلیمنٹ کے ایک رکن نے کہی ہے۔
عراق کی النہرین ویب سائٹ کے مطابق عراقی پارلیمنٹ میں الفتح الائنس کے رکن کریم علیوی نے کہا ہے کہ امریکہ کے باوردی دہشت گردوں کے دل میں عوامی رضاکار فورس حشد الشعبی کا ایسا خوف پیدا ہو گیا ہے کہ وہ اپنے ملٹری بیسز سے باہر نہیں نکلتے، اور ممکنہ حملے سے نمٹنے کے لئے پوری طرح تیار رہتے ہیں۔
کریم علیوی نے کہا ہے کہ اب دوبارہ امریکہ کے ساتھ سیکورٹی تعاون کا امکان نہیں ہے اور ملک سے امریکی دہشت گردوں کو نکالنے پر مبنی عراقی پارلیمنٹ کے فیصلے میں کوئی تبدیلی نہیں آئے گی۔
الفتح الائنس کے اس نمائندے نے کہا ہے کہ عراق کو اپنی سیکورٹی کے لئے امریکہ کی ضرورت نہیں ہے اور ملک کی فوج، عوامی رضاکار فورس اور دیگر سیکورٹی فورسز عراق کو تحفظ فراہم کرنے کی پوری توانائی رکھتی ہیں۔
قابل ذکر ہے کہ تین جنوری کو بغداد ایئرپورٹ کے قریب امریکہ نے ایک دہشت گردانہ کارروائی کی۔
امریکی صدر کے براہ راست حکم سے انجام پانے والی اس دہشت گردانہ کارروائی میں سپاہ قدس کے کمانڈر جنرل قاسم سلیمانی اور عراق کی عوامی رضاکار فورس حشد الشعبی کے ڈپٹی کمانڈر ابو مہدی المہندس اپنے ساتھیوں کے ہمراہ شہید ہوئے تھے جس کے بعد عراقی پارلیمنٹ نے ایک بل پاس کر کے امریکہ کے ساتھ جاری سیکورٹی معاہدے کو ختم کر دیا اور اسے ملک سے باہر نکل جانے کے لئے ہدایات جاری کر دیں۔
