عراق: حسینی زائرین پر داعشی دہشت گردوں کا حملہ ناکام

شیعہ نیوز (پاکستانی شیعہ خبر رساں ادارہ) عراق کے شہر سامراء میں حسینی زائرین پر داعشی دہشت گردوں کا حملہ ناکام ہوگیا ہے۔

رپورٹ کے مطابق عراقی سکیورٹی فورسز نے بر وقت کارروائی کرتے ہوئے سامراء کے مشرق میں حسینی زائرین پر داعشی دہشت گردوں کے حملے کو ناکام بنادیا ہے۔

داعشی دہشت گرد السیفونہ کے علاقہ میں حسینی زائرین پر حملے کا منصوبہ بنا رہے تھے ۔ سکیورٹی ذرائع کے مطابق اس کارروائی میں 2 دہشت گرد ہلاک ہوگئے اور ان سے خودکش حملے میں استعمال ہونے والی 2 جیکٹوں اور 4 بموں کو برآمد کرلیا گیا ہے۔