عراق میں داعش کے خلاف آپریشن، اہم سرنگ دریافت

شیعہ نیوز (پاکستانی شیعہ خبر رساں ادارہ) عراقی سرکاری فوج اور رضاکار فورس حشد الشعبی نے صوبہ صلاح الدین میں داعش کےخلاف آپریشن کے دوران ایک اہم سرنگ دریافت کرلیا ہے۔

رپورٹ کے مطابق الحشد الشعبی کے ترجمان کا کہنا ہے کہ صوبہ صلاح الدین میں خفیہ اطلاع پر امریکہ اور اسرائیل کے حمایت یافتہ داعشی دہشت گردوں کے خلاف کارروائی کی گئی جس میں متعدد دہشت گرد مارے گئے۔

ترجمان کے مطابق داعش کے خلاف کارروائی صوبہ صلاح الدین کے علاقے ’’الصینیہ‘‘ میں جاری ہے۔

حشد الشعبی کا کہناہے کہ تکفیری دہشت گردوں کے خلاف کارروائی کے دوران ایک نہایت اہم سرنگ کا پتہ چلا ہےجو کافی عرصے داعشی دہشت گرد استعمال کررہے تھے۔

دوسری طرف شہرموصل میں بھی الحشد الشعبی کے فوجی جوانوں نے دہشت گردوں کے خلاف آپریشن کرکے متعدد مراکز کو تباہ کردیاہے۔

عراقی فوج کے ترجمان کے مطابق الحشد الشعبی فورس کے جوانوں نے مغربی موصل کے عبطہ الجنوبیۃ، الترکمانیہ، طریطیعات، الدلیمیہ اور شکیج نامی علاقوں میں سرچ آپریشن کرکے دسیوں خفیہ ٹھکانے تباہ کردیے ہیں۔