مشرق وسطیہفتہ کی اہم خبریں
عراق: صوبہ نینوا سے دہشت گرد تنظیم داعش کا اہم کمانڈر گرفتار
شیعہ نیوز (پاکستانی شیعہ خبر رساں ادارہ) عراقی وزارت داخلہ نے اعلان کیا ہے کہ عراقی پولیس نے صوبے نینوا سے تکفیری دہشت گرد تنظیم داعش کا ایک اعلی سطحی کمانڈر گرفتار کر لیا ہے۔
عراقی میڈیا کے مطابق عراقی وزارت داخلہ نے اس خبر کی تصدیق کی ہے کہ عراقی پولیس نے صوبہ نینوا کے ایک علاقے تل الرمان سے اپنی پیشگی اطلاع اور مسلسل خفیہ نگرانی کے بعد چھاپہ مار کر داعش کے اعلی سطحی کمانڈر ’’ابوسدرہ‘‘ کو گرفتار کر لیا ہے۔
واضح رہے کہ عراقی سکیورٹی فورسز نے ایک عرصے سے داعش کے باقی ماندہ عناصر کے خلاف انٹیلیجنس آپریشن شروع کر رکھا ہے جس میں تاحال داعش کے دسیوں کمانڈرز کو گرفتار کیا جا چکا ہے۔
