اسلام آباد پولیس نے 2 دہشتگردوں کو ہلاک کردیا، 1 جوان شہید

شیعہ نیوز (پاکستانی شیعہ خبر رساں ادارہ) وفاقی دارالحکومت میں ااسلام آباد پولیس نے 2 دہشتگردوں کو ہلاک کردیا جبکہ ایک پولیس اہلکار فرض پر قربان ہوگیا۔

ترجمان اسلام آباد پولیس کے مطابق تھانہ کراچی کمپنی کے علاقے میں دہشت گردوں نے پولیس اہلکاروں پر فائرنگ کی۔ پولیس اہلکار ناکہ جیلانیہ پر معمول کی چیکنگ پر مامور تھے۔ دورانِ چیکنگ موٹر سائیکل پر سوار دو دہشت گردوں نے اچانک اندھا دھند فائرنگ کر دی۔ فائرنگ سے ایک پولیس اہلکار شہید ہوگئے۔

یہ خبر بھی پڑھیں کالعدم سپاہ صحابہ کے دہشتگردوں کی فائرنگ سے دو سگے بھائی سمیت تین مومن عزادار شہید

ترجمان کے مطابق پولیس اہلکاروں نے دلیری سے مقابلہ کیا اور دو دہشت گردوں کو موت کے گھاٹ اُتار دیا۔ آئی جی اسلام آباد محمد احسن یونس اور سینیئر افسران موقع پر پہنچ گئے ہیں۔