پنجاب یونیورسٹی، یوم علیؑ کی مناسبت سےپروقار تقریب، پرنسپل لاء کالج کی شرکت

شیعہ نیوز : 13 رجب المرجب کویوم ولادت باسعادت مولائے کائنات حضرت علی علیہ السلام کی مناسبت سے جامعہ پنجاب میں شہید مرتضی مطہری یونٹ کی جانب سے لاء کالج میں جشنِ مولاد کعبہؑ کا انعقاد کیا گیا، جس میں تمام ڈیپارٹمنٹس سے طلبا و طالبات نے شرکت کی۔

جشن پاک کا آغاز تلاوت قرآن پاک اور نعمت مقبول (ص) سے کیا گیا۔ اس کے بعد مختلف ثناء خوان حضرات نے اپنے اپنے انداز میں بارگاہ امام میں ھدیہ عقیدت پیش کیا۔ جشن میں خصوصی طور پر پرنسپل لاء کالج ڈاکٹر امان اللہ اور سابق مرکزی صدر آئی ایس او پاکستان حسن عارف نے بطور مہمان خصوصی شرکت کی جبکہ دیگر پروفیسرز اور آئی ایس او کے سابقین نے بھی شرکت کی۔ اس بابرکت محفل میں اہل تشیع اور ہلسنت طلبہ و طالبات نے بلا تفریق مکتب و مسلک بھرپور شرکت کرکے فلسفہ وحدت کی ترجمانی کی۔

یہ بھی پڑھیں :حضرت علیؑ کے یوم ولادت اور جامعہ عروۃ الوثقی کا یومِ تأسیس، شیعہ سنی علماءومشائخ کی شرکت

جشن پاک میں پرنسپل لاء کالج نے مولا علی علیہ السلام کے شان میں گفتگو کی اور اتحاد بین المسلمین کا بہترین پیغام دیا۔ حسن عارف نے سیرت امام علی علیہ السلام پہ تفصیلی گفتگو کرکے اس بابرکت محفل کو چار چاند لگائے۔ جشن کا اختتام دعائے وحدت سے کیا گیا اور کیک کاٹا گیا۔