اسرائیل نے گھٹنے ٹیک دیئے ، فلسطینی فتح کا جشن منانے سڑکوں پر نکل آئے

شیعہ نیوز (پاکستانی شیعہ خبر رساں ادارہ) حماس اور اسرائیل میں جنگ بندی کے بعد حماس نے جیت کا اعلان کر دیا، غزہ میں جشن منایا گیا۔

ذرائع کے مطابق جنگ بندی کا اعلان ہوتے ہوئے فلسطینی اپنے گھروں سے نکل آئے اور انھوں نے اپنی جیت کا جشن منایا۔

اسرائیل سے جنگ کی جیت اور فلسطین میں اسرائیلی جارحیت کے سبب ہونے والے نقصانات پر فلسطینیوں کے ملے جلے جذبات دیکھنے میں آئے۔

قسام کے ایک کمانڈر ابوعبیدہ کا کہنا ہے کہ ہم نے مصر کے کہنے پر جنگ بندی کا مثبت جواب دیا ہے اگر اسرائیل نے جنگ بندی کی خلاف ورزی کی تو دشمن کو پہلے سے بڑھ کر جواب دیں گے۔

یہ خبر بھی پڑھیں مسئلہ فلسطین پر ترکی کی منافقت آشکار ہوگئی، پارلیمنٹ میں شرمناک انکشاف

11 دن حملے اور خونریزی کے بعد اسرائیل اور حماس میں جنگ بندی ہو گئی، اسرائیلی حملوں میں 232فلسطینی شہید ، 1900سے زائد زخمی ہوئے جبکہ حماس کے حملوں میں 12 اسرائیلی بھی مارے گئے۔

اسرائیلی میڈیا کا کہنا ہے کہ اسرائیل نے امریکی دباؤ پر جنگ بندی کا فیصلہ کیا ہے۔

اقوام متحدہ کے سیکریٹری جنرل نے جنگ بندی کا خیر مقدم کرتے ہوئے کہا ہے کہ اسرائیلی اور فلسطینی قیادت کی ذمےداری ہے جنگ کے بنیادی اسباب پر غور کے لیے بات چیت کریں۔ پاکستان نے بھی اسرائیل اور حماس کی جانب سے جنگ بندی کے اعلان پر خیر مقدم کیا ہے۔

واضح رہے کہ پاکستانی وقت کے مطابق جبگ بندی پر عمل درآمد کا آغاز آج صبح 4 بجے سے ہو گیا ہے اور اب تک اس کی کوئی خلاف ورزی نہیں کی گئی ہے۔