میزائل اور راکٹ حملوں کے بعد صیہونی علاقوں میں خطرے کے سائرن بجنے لگے

غزہ کے قریب واقع صیہونی علاقوں میں میزائل اور راکٹ داغے گئے ہیں۔

فارس نیوز ایجنسی کے مطابق صیہونی ذرائع ابلاغ کا کہنا ہے کہ کل رات غزہ کے قریب واقع صیہونی علاقوں میں غزہ کی پٹی سے میزائل اور راکٹ داغے جانے کی آوازیں سنائی دیں جس کے بعد خطرے کے سائرن بجائے گئے جن کی آوازیں غزہ میں بھی سنائی دیں۔

در ایں اثناء صیہونی حکومت نے ایک ویڈیو جاری کرکے دعوی کیا کہ داغے جانے والے میزائل اور راکٹوں کو تباہ کردیا گیا ہے۔ تاہم اس بارے میں فلسطینی مجاہد تنظیموں کی جانب سے کوئی بیان جاری نہیں کیا گیا۔

واضح رہے کہ حالیہ دو ہفتوں کے دوران غاصب صیہونی دہشتگرد حکومت، جھوٹے اور بے بنیاد بہانوں سے تقریبا ہر روز غزہ کو اپنی جارحیت کا نشانہ بنا رہی ہے۔