اسرائیل کا لبنان کے خلاف بڑے پیمانے پر زمینی حملے کا منصوبہ! ذرائع کا انکشاف
شیعہ نیوز: باخبر ذرائع نے صیہونی حکومت کے لبنان کے خلاف بڑے ہیمانے پر زمینی حملے کے منصوبے کی اطلاع دی۔
رپورٹ کے مطابق باخبر ذرائع نے روزنامہ الاخبار کو انٹرویو دیتے ہوئے کہا ہے کہ صیہونی وزیراعظم نیتن یاہو لبنان کی حزب اللہ کے خلاف جارحانہ کاروائیوں کی توسیع پر غور کر رہے ہیں۔
یہ بھی پڑھیں : مقبوضہ بیت المقدس کے جنگلات میں آگ بے قابو، صہیونی بستیاں خالی
انھوں نے مزید کہا کہ نیتن یاہو نے امریکی حکام سے کہا ہے کہ لبنان کے خلاف فضائی حملوں سے تل ابیب کے مقاصد حاصل نہیں ہوئے اور اس ملک کے خلاف زمینی حملہ کیا جانا چاہیے۔
ذرائع نے بتایا کہ صیہونی حکومت حزب اللہ کی فورسز کی بازیابی اور تباہ شدہ علاقوں کی تعمیر نو کو روکنے کے درپے ہے۔
اس منصوبے کے مطابق صیہونی حکومت شام کے مقبوضہ علاقوں قنیطرہ اور اس ملک کی مشرقی سرحدوں سے فائدہ اٹھاتے ہوئے لبنان کے مغربی علاقوں بقاع، رشیا اور حاصبیا میں داخل ہو جائے گی۔
