اسرائیل، لبنان کو غزہ میں تبدیل کرنا چاہتا ہے، وزیر خارجہ الجزائر

شیعہ نیوز: الجزائر کے وزیر خارجہ "احمد عطاف” نے آج صبح لبنان کی صورت حال پر منعقدہ اقوام متحدہ کی سلامتی کونسل کے اجلاس میں خبردار کیا کہ صیہونی رژیم، لبنان کو غزہ میں تبدیل کرنے کی خواہاں ہے۔ اس موقع پر احمد عطاف نے کہا کہ اسرائیلی جارحیت کے مقابلے میں الجزائر، لبنان کے ساتھ کھڑا ہے۔ انہوں نے اس بات کی وضاحت کی کہ ضروری ہے کہ اسرائیلی مجرمانہ اقدامات کی مذمت کی جائے اور ان حملوں کے مرتکب افراد کو سزا دی جائے۔ انہوں نے مزید کہا کہ اسرائیل ہمارے لئے یہ جواز پیش کرتا ہے کہ پڑوسیوں کی حفاظت کو خطرے میں ڈالنا ہی ہماری سلامتی ہے۔ احمد عطاف نے کہا کہ لبنان پر کئے گئے حملے میں اسرائیل نے وہی طریقہ کار اپنایا ہے جو اس نے غزہ میں اختیار کیا تھا۔