غزہ پر صیہونی حکومت کے فضائی حملے، 18 فلسطینیوں کی شہادت

شیعہ نیوز: غزہ پر غاصب صیہونی حکومت کی تازہ بمباریوں میں کم سے کم 18 فلسطینی شہید ہوگئے۔

فلسطین کی سما نیوز ایجنسی نے رپورٹ دی ہے کہ غاصب صیہونی حکومت کے جنگی طیاروں نے جمعے کی صبح جنوبی غزہ کے شہر رفح پر بمباری کردی ۔

یہ بھی پڑھیں : علامہ راجہ ناصر عباس کے سینیٹر منتخب ہونے پر کراچی میں مٹھائیاں تقسیم، شاندار آتشبازی

اس بمباری میں عورتوں اور بچوں سمیت بارہ فلسطینی شہید ہوگئے ۔

صیہونی جنگی طیاروں نے اسی طرح مرکزی غزہ کے المغازی کیمپ کے ایک رہائشی مکان پر بھی بمباری کردی جس میں 6 فلسطینیوں کے شہید ہونے کی خبر ہے۔

غاصب صیہونی حکومت نے مرکزی اور جنوبی غزہ پر تازہ فضائی حملے ایسی حالت میں کئے ہیں کہ اقوام متحدہ کی سلامتی کونسل غزہ میں فوری جنگی بندی کی قرار داد پاس کرچکی ہے۔