اسرائیلی فوج کی جنوبی لبنان میں دراندازی، 100 میٹر تک پیش قدمی
شیعہ نیوز: صہیونی فوج نے لبنان پر زمینی جارحیت کرتے ہوئے سرحد کے اندر 100 میٹر پیشقدمی کی ہے۔
رپورٹ کے مطابق اسرائیلی فوج نے جنوبی لبنان کے بعض علاقوں میں زمینی دراندازی کرتے ہوئے لبنانی خودمختاری کی کھلی خلاف ورزی کی ہے۔
المیادین چینل کے مطابق اسرائیلی فوج کے پیدل دستے جنوبی سرحد عبور کرتے ہوئے لبنانی علاقے میس الجبل کے مشرقی حصے میں تقریباً 100 میٹر اندر تک داخل ہوچکے ہیں۔ یہ اقدام نہ صرف لبنان کی قومی خودمختاری کی صریح خلاف ورزی ہے بلکہ اقوام متحدہ کی متعلقہ قراردادوں کی بھی کھلم کھلا توہین ہے۔
یہ بھی پڑھیں : اسرائیل پر یمن کا ایک اور میزائل حملہ، وسطی علاقوں میں خطرے کے سائرن
ذرائع کا کہنا ہے کہ اسرائیلی زمینی فوج تاحال میس الجبل کے مشرقی علاقے میں پیش قدمی جاری رکھے ہوئے ہے، تاہم اس کارروائی کے اصل مقاصد کے بارے میں ابھی تک کوئی باضابطہ تفصیلات سامنے نہیں آئیں۔
ماہرین کے مطابق یہ حرکت اسرائیل کی جانب سے لبنان کے خلاف جاری اشتعال انگیزی اور بین الاقوامی اصولوں کی خلاف ورزی کا تسلسل ہے۔
