غزہ پر قابض اسرائیلی فوج کی جارحیت جاری، مزید 28 فلسطینی شہید اور 89 زخمی
شیعہ نیوز: فلسطینی وزارت صحت نے اعلان کیا کہ اسرائیلی قابض فوج نے غزہ کی پٹی میں خاندانوں کے خلاف دو قتل عام کیے، جس کے نتیجے میں گذشتہ 24 گھنٹوں کے دوران 28 فلسطینی شہید اور 89 زخمی ہوئے جنہیں ہسپتالوں میں داخل کیا گیا۔
وزارت نے اتوار کے روز اپنے یومیہ بیان میں تصدیق کی کہ 7 اکتوبر 2023ء سے اب تک اسرائیلی جارحیت سے شہید ہونے والوں کی تعداد 46,565 فلسطینی شہید اور 109,660 زخمی ہو چکی ہے۔
یہ بھی پڑھیں : نئے سال کی ابتدا سے اب تک 13 صیہونی فوجی اور آبادکار ہلاک
انہوں نے مزید کہا کہ "ابھی بھی بہت سے زخمی اور شہداء ملبے کے نیچے اور سڑکوں پر ہیں اور ایمبولینس اور شہری دفاع کا عملہ ان تک نہیں پہنچ سکتا۔”
انہوں نے غزہ کی جنگ میں شہید اور لاپتہ ہونے والے افراد کے اہل خانہ سے مطالبہ کیا کہ وہ منسلک لنک کے ذریعے رجسٹریشن کروا کر تمام ڈیٹا وزارت صحت کے ریکارڈ کے ذریعے مکمل کریں۔
