غزہ میں اسرائیلی مظالم جاری، مزید 26 فلسطینی شہید
ایک رہائشی عمارت کو بمباری کا نشانہ بنایا گیا اور اس کے بعد خان یونس شہر کے المواصی علاقے میں بمباری کی گئی جس کے نتیجے میں کئی خیمے نذر آتش ہوگئے اور متعدد فلسطینی زخمی بھی ہوئے
شیعہ نیوز: غزہ کی جنگ 467ویں دن میں داخل ہوگئی، صیہونی فائٹر جیٹ طیاروں نے غزہ کے بعض علاقوں میں شدید بمباری کی ہے۔ البریج کیمپ سے ملنے والی رپورٹ کے مطابق، ایک رہائشی عمارت کو بمباری کا نشانہ بنایا گیا اور اس کے بعد خان یونس شہر کے المواصی علاقے میں بمباری کی گئی جس کے نتیجے میں کئی خیمے نذر آتش ہوگئے اور متعدد فلسطینی زخمی بھی ہوئے۔
صیہونیوں نے غزہ شہر میں ایک اسکول پر بمباری کی جس میں 7 فلسطینی شہید ہوگئے۔ دیرالبلح اور النصیرات پناہ گزین کیمپ میں بھی متعدد فلسطینی شہید ہوئے۔ گزشتہ رات سے اب تک 26 فلسطینی شہری غزہ میں شہید ہوچکے ہیں۔
یہ بھی پڑھیں: عوام کے صبر و استقامت اور فلسطینی مزاحمت نے صیہونی حکومت کو عقب نشینی پر مجبور کردیا
حماس نے صیہونی حکومت کے ساتھ جنگ بندی معاہدے کے مسودے پر رضامندی ظاہر کردی ہے تاہم صیہونی فوجیوں کی پسپائی کے واضح پلان کا مطالبہ کیا ہے۔
حماس کو اس بات کی تشویش ہے کہ اگر واضح پلان پیش نہ کیا گیا تو غاصب افواج معاہدے کی خلاف ورزی ضرور کریں گے لہذا ثالثوں کی جانب سے پسپائی کے جغرافیائی پلان کی ضمانت فراہم ہونا چاہیے۔
