یمن کے صوبہ صعدہ پر جارح سعودی اتحاد نے توپوں کے گولے داغے جس کے نتیجے میں 92 یمنی شہید زخمی ہوئے ہیں۔ المسیرہ ٹی وی کی رپورٹ کے مطابق جارح سعودی اتحاد نے کل صوبہ صعدہ کے الرقو علاقے پرتوپوں کے گولے داغے جس کے نتیجے میں 12 یمنی شہید اور 80 زخمی ہوئے ۔ سعودی اتحاد نے جمعرات کے روز بھی الرقو علاقے پرتوپوں کے گولے داغے اور میزائلی حملہ کیا تھا جس میں 2 یمنی شہید اور 6 زخمی ہوئے تھے۔ سعودی عرب امریکہ، متحدہ عرب امارات اور چند دیگر ممالک کی مدد سے مارچ دوہزار پندرہ سے یمن کے خلاف فوجی جارحیت کے ساتھ ہی اس ملک کا محاصرہ کئے ہوئے ہے۔ سعودی اتحاد کے براہ راست حملوں میں اب تک تقریبا ۲۰ ہزار یمنی شہید، دسیوں ہزار زخمی اور لاکھوں بے گھر ہو گئے ہیں۔ اس جارحیت کے باوجود سعودی اتحاد اب تک یمن میں اپنا کوئی بھی مقصد حاصل نہیں کر سکا ہے۔

فلسطینی مظاہرین پر اسرائیلی حملہ، 300 زخمی

جولائی 3, 2021

92 1 minute read

شیعہ نیوز (پاکستانی شیعہ خبر رساں ادارہ) غاصب صیہونی فوجیوں کے حملے میں 300 فلسطین مظاہرین زخمی ہوگئے۔

فلسطین الیوم کے مطابق جنوبی نابلس کے علاقے بیتا میں فلسطینیوں نے نماز جمعہ کے بعد صیہونی بستیوں کی تعمیر کے خلاف مظاہرہ کیا۔ صیہونی فوجیوں نے فلسطینی مظاہرین پر حملہ کرکے انہیں تشدد کا نشانہ بنایا جس کے نتیجے میں 300 فلسطینی زخمی اور ان کی حالت خراب ہوئی۔ رپورٹوں میں بتایا گیا ہے کہ صیہونی فوجیوں نے پرامن فلسطینیوں کے خلاف آنسو گیس کے شیل داغے اور ربر کی گولیاں برسائیں۔

مقبوضہ فلسطین کے علاقوں میں گزشتہ چند ہفتوں سے صورتحال کشیدہ ہے اور صیہونی فوجیوں اور غاصبوں کے ساتھ فلسطینی نوجوانوں کی جھڑپوں میں شدت پیدا ہوگئی ہے۔

اس سے پہلے مسجد الاقصی اور مقبوضہ بیت المقدس کے محلے شیخ جراح پر صیہونیوں کے حملوں پر فلسطین کے مزاحمتی گروہوں نے ردعمل ظاہر کرتے ہوئے، اسرائیلی اہداف پر سیکڑوں راکٹ داغے تھے۔

واضح رہے کہ خودساختہ اسرائیلی ریاست کے ساتھ عرب ملکوں کے سفارتی تعلقات کی بحالی کے بعد سے فلسطینیوں کے خلاف صیہونیوں کے روئیے میں کسی قسم کی کوئی تبدیلی نہیں آئی ہے اور آئے دن فلسطینیوں کے مکانات کو مسمار کئے جانے سے متعلق افسوسناک خبریں عالمی میڈیا پر دیکھنے اور سننے کو مل رہی ہیں۔