لبنان کے شہر صیدا پر ایک بار پھر اسرائیلی جنگی طیاروں کی جارحیت

شیعہ نیوز: اسرائیلی جنگی طیاروں نے جنوبی لبنان کے مختلف علاقوں کو نشانہ بنایا ہے۔

رپورٹ کے مطابق صہیونی حکومت نے لبنان میں جنگ بندی کی خلاف ورزی کرتے ہوئے ایک بار پھر مختلف علاقوں پر بمباری کی ہے۔

لبنانی چینل المنار کے مطابق اسرائیلی جنگی طیاروں نے جنوب مغربی لبنان کے شہر صیدا میں ایک عمارت کو نشانہ بنایا۔ یہ حملہ ممکنہ طور پر ایک ٹارگٹ کلنگ کا حصہ ہو سکتا ہے۔

یہ بھی پڑھیں : ہم کسی بھی ملک سے جنگ نہیں چاہتے لیکن ہماری دفاعی توانائی اعلی ترین سطح پر ہے، پزشکیان

تازہ ترین اپڈیٹس کے مطابق صیہونی حملے میں شہید ہونے والوں کی تعداد 3 ہوگئی ہے۔

اسرائیلی حکومت نے جنوبی لبنان کے شہر صیدا میں ایک رہائشی اپارٹمنٹ پر فضائی حملہ کیا ہے جس کے نتیجے میں حماس کے رہنما حسن فرحت اور دو دیگر افراد شہید ہوگئے ہیں۔

دوسری جانب قومی خبر رساں ایجنسی نے کہا ہے کہ اسرائیلی ہیلی کاپٹروں نے جنوبی لبنان کے شہر ناقورہ پر 3 بار بمباری کی ہے۔ امدادی ٹیمیں فوری طور پر متاثرہ علاقوں میں پہنچ چکی ہیں تاکہ امدادی کام شروع کیا جائے۔