دمشق پراسرائیل کا میزائلی حملہ، 8 شامی فوجی جاں بحق و زخمی

شیعہ نیوز:شام کے سرکاری ٹیلی ویژن چینل کے مطابق شامی فوج نے اینٹی ایئر کرافٹ سسٹم کے ذریعہ اسرائیل کے کئی میزائلوں کو فضا میں ہی ناکارہ بنادیا تاہم اسرائیل کے پے درپے میزائلوں میں شام کے 4 فوجی جاں بحق اور 4 دیگر زخمی ہوئے۔

ابھی تک دمشق پر میزائل حملے سے متعلق اسرائیل نے کوئی بیان جاری نہیں کیا اور نہ ہی شامی حکومت کی جانب سے کوئی ردعمل سامنے آیا ہے۔

قابل ذکر ہے کہ ناجائز صیہونی حکومت تمام تر بین الاقوامی ضابطوں کو نظر انداز کرتے ہوئے شام میں اپنی دہشتگردی کا سلسلہ گزشتہ کئی برسوں سے جاری رکھے ہوئے ہے جس میں گزشتہ برسوں کے دوران اُس وقت شدت آ گئی تھی جب شام کو عالمی سامراج کی حمایت یافتہ داعشی دہشتگردی کا سامنا کرنا پڑا تھا۔