مستقبل میں دہشت گردی کا خاتمہ ضروری ہے، علامہ ساجد نقوی

شیعہ نیوز:علامہ سید ساجد علی نقوی نے تحریک جعفریہ کے سابق مرکزی سیکرٹری جنرل ممتاز سیاسی و سماجی شخصیت انور علی اخونزادہ کی23 ویں برسی کے موقع پر اپنے پیغام میں کہا ہے کہ انور علی اخونزادہ کی شہادت بڑا سانحہ تھا جسے کسی صورت فراموش نہیں کیا جاسکتا ، ایسے معتدل مزاج،مخلص اور محب وطن رہنما کا خون ناحق ارباب اقتدار کی گردنوں پر قرض ہے مستقبل میں ٹارگٹ کلنگ اور دہشت گردی کا مکمل قلع قمع کرکے ملک کے عوام کو تحفظ اور امن و سکون فراہم کرنا انتہائی ضروری ہے۔