انتخابی دھاندلی کیخلاف جماعت اسلامی نے آل پارٹیز کانفرنس طلب کرلی

شیعہ نیوز: انتخابات میں مبینہ دھاندلی پر جماعت اسلامی نے آل پارٹیز کانفرنس طلب کرلی۔ ترجمان جماعت اسلامی کے مطابق آل پارٹیز کانفرنس 25 فروری کو اسلام آباد میں ہوگی، کانفرنس میں شرکت کیلئے تمام جماعتوں کو دعوت نامہ بھیج دیا گیا ہے۔ ترجمان نے مزید بتایا کہ کانفرنس کا مقصد جمہوریت کا بچاؤ ہے، تمام سیاسی جماعتوں سے اپیل ہے ملک میں حقیقی جمہوریت کیلئے آگے بڑھیں۔ امیر جماعت اسلامی سراج الحق نے کہا ہے کہ 2024 کے انتخابات ملکی تاریخ کے آلودہ، بدنام اور متنازع ترین الیکشن تھے، پی ٹی آئی سمیت تمام متاثرہ سیاسی جماعتوں سے رابطے کر رہے ہیں۔ کمشنر راولپنڈی کے انکشافات ہمارے مؤقف کی تائید ہیں، کمشنر کی طرح مزید ضمیر جاگ گئے تو دھاندلی کرنیوالے کدھر جائیں گے۔