جیکب آباد، مدرسہ خدیجۃ الکبری میں جشن ولادت حضرت فاطمہ ؑکا انعقاد
شیعہ نیوز (پاکستانی شیعہ خبر رساں ادارہ) بسلسلہ ولادت با سعادت حضرت سیدہ فاطمہ الزھرا مدرسہ خدیجہ الکبری جیکب آباد میں جشن میلاد اور یوم خواتین کا انعقاد کیا گیا۔
یوم مادرکی مناسبت حضرت بی بی فاطمہ الزھراء سلام اللہ علیہا کے حالات زندگی اور خطبہ کے موضوع پر کوئز مقابلے اور مضمون نویسی مقابلہ منعقد ہوا۔اس موقع پر خطاب کرتے ہوئے علامہ مقصود علی ڈومکی نے کہا کہ نوجوان نسل کو سیرت خاتون جنت حضرت فاطمہ الزھراء سے آگاہ کرنا انتہائی ضروری ہے تاکہ ہماری نئی نسل کردار فاطمی اپنائے۔ اسوہ فاطمی اپنانے کے لئے سیرت فاطمی سمجھنا ضروری ہے۔
انہوں نے کہا کہ حضرت زہراء سلام اللہ علیہا کا یوم ولادت یوم خواتين اور یوم مادر کہلاتا ہے کیونکہ آپ تاریخ انسانيت کی مثالی ماں ہیں جس نے ایسی اولاد تربیت کی جو انسانيت کا ناز کہلائے۔ جو اپنے پاکیزہ اور بے عیب کردار کے باعث پوری نسل انسانی کے رہبر و رہنما ہیں
یہ خبر بھی پڑھیں توہین توہین کے جھوٹے کھیل کے خلاف شیعہ تنظیموں کا اکٹھ، اہم فیصلے کرلیے
اس موقع پر خطاب کرتے ہوئے مدرسہ المصطفی خاتم النبیین کے استاد علامہ عبدالوھاب نجفی نے کہا کہ خواتين کو چاہيے کہ وہ مغربی ثقافتی یلغار کا سیرت فاطمی کے ذریعے مقابلہ کریں ۔
مرکز تبلیغات اسلامی کے صوبائی سیکریٹری علامہ سیف علی ڈومکی نے کہا کہ حضرت امام خمینی رحمہ اللہ علیہ نے حضرت زہراء کی یوم ولادت کو یوم مادر کہا جبکہ حکیم الامت حضرت علامہ اقبال نے بھی یہی نظریہ پیش کیا تھا مادران راہ اسوہ کامل بتول یعنی سیدہ بتول ماؤں کے لئے کامل نمونہ ہیں۔
اس موقع پر معلمہ خواہر سیدہ کنیز زہراء ،حافظہ خواہر بتول، مولانا منور حسین سولنگی ،مولانا ارشاد علی انقلابی ،زوار دلدار حسین گولاٹو، مولانا رضا حسینی ،جناب محمد علی ڈومکی نے مدرسہ خدیجہ الکبری اور مدرسہ المصطفی خاتم النبیین کے زیراہتمام کوئز مقابلے کے شرکاء میں انعامات تقسيم کئے۔
