اردنی پولیس کا غزہ پر اسرائیلی جارحیت کے خلاف احتجاج کرنے والے مظاہرین پر لاٹھی چار
شیعہ نیوز: اردن کی سکیورٹی فورسز نے جمعہ کی سہ پہر مقبوضہ فلسطین کی سرحد کے قریب وادی اردن میں غزہ کی پٹی پر قابض اسرائیلی جارحیت کے خلاف احتجاج کرنے والی ایک عوامی ریلی کو منتشر کردیا۔
نماز جمعہ کے بعد اردنی پولیس نے ابو عائشہ مسجد کے سامنے احتجاج کو زبردستی منتشر کرنے کے لیے ریلی کو گھیرے میں لے لیا اور وہاں موجود بہت سے لوگوں کو گرفتار کر لیا، جن میں اسلامک ایکشن فرنٹ (ایک اردنی سیاسی جماعت) کے ایگزیکٹو آفس کے رکن احمد برکات، اسلامی تحریک اور اخوان المسلمین کے کارکنان کے ایگزیکٹو آفس کے رکن مصطفیٰ الصقر کو بھی حراست میں لے لیا۔
یہ بھی پڑھیں : نیتن یاھو کو اس کے جنگی جرائم میں بچانے کی کوشش، بیلجیئم کے وزیر اعظم پر انسانی حقوق کے حلقوں کی کڑی تنقید
ایک عینی شاہد نے قدس پریس کو بتایاکہ "قومی فورم فار سپورٹنگ دی ریزسٹنس اینڈ پروٹیکٹنگ دی ہوم لینڈ (پارٹی یونین اتحاد) نے 11 اپریل کو وادی اردن کے علاقے میں، اردن-فلسطینی سرحد کے قریب لاپتا سولجر اسکوائر میں ایک ریلی کا اعلان کیا، جس میں غاصب دشمن کےخلاف مزاحمت کی حمایت اور غاصب دشمن کےخلاف سڑکوں پر احتجاج کی کال دی گئی ہے‘۔
جمعرات کی شام سے اردنی پولیس نے اردن کی تمام گورنریوں سے وادی اردن کی طرف جانے والی تمام سڑکوں پر درجنوں چوکیاں قائم کر دیں۔ صحابہ مسجد کے ارد گرد کے علاقے کو جسے منتظمین نے تقریب کے لیے اجتماعی مقام کے طور پر نامزد کیا تھا، کو گھیرے میں لے لیا گیا ہے۔ مسجد تک رسائی روک دی جس کے بعد سیکڑوں اردنی باشندے ابو عائشہ مسجد کے ارد گرد جمع ہوئے جو عمان کے مغرب میں بھی واقع ہے۔ انہوں نے وہاں پر جمعہ کی نماز کے بعد غزہ کی حمایت میں ریلی کا اہتمام کیا۔
اس موقعے پراسلامک ایکشن فرنٹ کے رکن پارلیمنٹ حسن الریاطی نے کہاکہ "ایک ایسے وقت میں جب اردن کو قابض ریاست کی جارحیت اور اردن کے خلاف اس کے توسیع پسندانہ منصوبوں کا مقابلہ کرنے کے لیے اپنے اندرونی محاذ کو مضبوط کرنے کی ضرورت ہے، ہمیں اردن کے سرکاری حکام کی جانب سے ایک حیران کن ردعمل نظر آتا ہے۔ اس رد عمل میں فلسطینیوں کی حمایت میں احتجاج کرنے والوں کی گرفتاری اور ان پر تشدد کیا جا رہا ہے۔
