کابل کے شیعہ اکثریتی علاقے میں اسکول پر3 بم حملے، 27 طالب علم شہید
شیعہ نیوز (پاکستانی شیعہ خبر رساں ادارہ) افغانستان کے دارالحکومت کابل کے مغرب میں شیعہ ہزارہ اکثریتی علاقے دشت برچی کے ایک ہائی اسکول میں 3 بم دھماکوں کے نتیجے میں 20سے زائد طالب علم شہید جبکہ متعدد زخمی ہوگئے ہیں ۔
اطلاعات کے مطابق کابل کے مغرب میں شیعہ ہزارہ اکثریتی علاقے دشت برچی کے2 تعلیمی اداروں پر 3بم حملوں میں 20سے زائد طالب علم شہید جبکہ متعدد زخمی ہوگئے ہیں ۔
دشت برچی کے ممتاز تعلیمی ادارے میں بم دھماکے میں 6 افراد شہید اور 14 زخمی ہوگئے جبکہ شہید عبدالرحیم مدرسہ میں 2 بم دھماکوں میں کم سے کم 20 طالب علم شہید اور متعدد زخمی ہوگئے ہیں۔ زخمیوں میں بعض کی حالت تشویوشناک ہے۔
یہ خبر بھی پڑھیں کینیڈا میں مسجد پر حملہ، 5 نمازی زخمی
دھماکوں کے بعد سکیورٹی اہلکاروں نے علاقے کوگھیرے میں لے کرناکہ بندی کردی۔علاقے میں سرچ آپریشن جاری ہے۔ کچھ زخمیوں کی حالت تشویشناک ہے۔ حکام نے شہادتوں میں اضافے کا خدشہ ظاہرکیا ہے۔
دھماکوں کی تصدیق کرتے ہوئے، کابل پولیس کے ترجمان خالد زردان نے کہا: "18 ویں ضلع کے عبدالرحیم شاہد اسکول میں تین مختلف دھماکوں کے نتیجے میں ہمارے ہم وطنوں کی ہلاکتیں ہوئیں۔
انہوں نے مزید کہا کہ اس واقعہ کی تفصیلات کا اعلان جلد کیا جائے گا۔
