شہید حسن نصراللہ کے پاکیزہ خون کی بدولت شیعہ قومی تنظیمات کی امریکی قونصلیٹ تک مشترکہ احتجاجی ریلی
شیعہ نیوز: لاہور میں آج بروز اتوار انتیس ستمبر کو ’’شہید قدس ریلی‘‘ نکالی گئی۔ اس ریلی کا اعلان مختلف مذہبی جماعتوں نے اپنے اپنے طور پر کر رکھا تھا۔ خوش قسمتی اور اتفاق سے تمام جماعتوں کی ریلیوں کا روٹ اور وقت تقریباً ایک ساتھ ہو گیا۔ امامیہ سٹوڈنٹس آرگنائزیشن، مجلس وحدت مسلمین، شیعہ علماء کونسل، تحریک بیداری امت مصطفیٰ اور حامیان مظلومین فلسطین کی جانب سے ریلیوں کا اعلان کیا گیا تھا۔ اس موقع پر تمام جماعتوں کے قائدین نے متحد ہوکر ریلی کی قیادت کی۔
تحریک بیداری امت مصطفیٰ کے سربراہ علامہ سید جواد نقوی، مجلس وحدت مسلمین کے علامہ احمد اقبال رضوی، مرکزی ایم ڈبلیو ایم سیکرٹری سیاسیات اسد عباس نقوی، ایم ڈبلیو ایم پنجاب کے علامہ حسن رضا ہمدانی، آئی ایس او پاکستان کے مرکزی صدر حسن عارف، شیعہ علماء کونسل کے علامہ حسن رضا قمی اور قاسم علی قاسمی سمیت دیگر جماعتوں کے رہنماوں نے شرکت کی اور اسرائیلی بربریت کیخلاف متحد ہو کر احتجاج ریکارڈ کروایا۔ عوامی حلقوں کی جانب سے قائدین کے اس مشترکہ احتجاج کو شہید مقاومت کے خون کی تاثیر قرار دے رہے ہیں۔
