الجولانی سے جلد ملاقات کروں گا، لبنانی وزیر اعظم

شیعہ نیوز: لبنانی وزیر اعظم نے شام کے اپنے متوقع دورے کا اعلان کیا۔

رپورٹ کے مطابق لبنان کے وزیر اعظم نواف سلام نے کہا ہے کہ وہ جلد ہی شام کا دورہ کریں گے اور ملک کے اقتدار پر قابض تحریر الشام کے دہشت گردوں کے سرغنہ ابو محمد الجولانی سے ملاقات کریں گے۔

میڈیا رپورٹس کے مطابق لبنانی وزیر اعظم ایک اعلی سطحی سکیورٹی وفد کے ہمراہ دورہ کریں گے۔

یہ بھی پڑھیں : ایٹمی ٹیکنالوجی کے قومی دن، صدر مملکت کی موجودگی میں اہم جوہری مصنوعات کی رونمائی

نواف سلام نے مزید کہا کہ الجولانی کے ساتھ ملاقات کے دوران وہ دونوں ممالک کی باہمی دلچسپی کے امور پر تبادلہ خیال کریں گے۔

اس سے قبل لبنان اور شام کے وزرائے دفاع نے 28 مارچ کو سعودی شہر جدہ میں ملاقات کی تھی۔

گزشتہ چند دنوں کے دوران دونوں ملکوں کے درمیان مشترکہ سرحدوں پر کشیدگی اور مسلح جھڑپیں دیکھنے میں آئی ہیں، یہ تناو شام سے دہشت گرد عناصر کی سرحدی نقل و حرکت کے باعث مزید شدت اختیار کر گیا ہے۔