لبنان اسرائیل کی کالونی نہیں، تل ابیب ہمارے قومی معاملات میں مداخلت سے دور رہے، نبیہ بری کا انتباہ
شیعہ نیوز: لبنان کی پارلیمنٹ کے اسپیکر نبی بری نے ایران لبنان پروازوں کے بحران کو براہ راست مذاکرات کے ذریعے حل کرنے کی ضرورت پر زور دیتے ہوئے کہا کہ اسرائیل، لبنان کے معاملات میں مداخلت سے دور رہے۔
رپورٹ کے مطابق لبنان کی پارلیمنٹ کے اسپیکر نبی بری نے بیروت ہوائی اڈے کے حوالے سے حالیہ واقعات پر ردعمل کا اظہار کیا ہے۔
یہ بھی پڑھیں : صہیونی حکام اور جنگی مجرموں کو عدالت کے کٹہرے میں لایا جائے، افریقی یونین
انہوں نے کہا کہ پروازوں کا مسئلہ ایران اور لبنان کی حکومتوں کے درمیان براہ راست مذاکرات کے ذریعے حل ہونا چاہیے اور ہم کبھی بھی صیہونی حکومت کو ہمارے بارے میں فیصلہ کرنے کی اجازت نہیں دیں گے۔
لبنانی پارلیمنٹ کے اسپیکر نے سخت لہجے میں کہا کہ ہم اسرائیل کی کالونی نہیں ہیں اور ہم لبنان کی خودمختاری کو نقصان پہنچانے والی کسی بھی غیر ملکی مداخلت کو مسترد کرتے ہیں۔
انہوں نے مزید کہا کہ موجودہ بحران کو فوری طور پر لبنان کے قومی مفادات کے مطابق حل کیا جانا چاہیے۔
