سندھ حکومت کا بڑا فیصلہ مزارات اولیاء زائرین کیلئے کھولنے کا اعلان

شیعہ نیوز:سندھ حکومت کا بڑا فیصلہ، کورونا کے سبب بند تمام مزارات اولیاء زائرین کیلئے کھولنے کا اعلان۔شہر قائد سمیت سندھ بھر میں صوبائی حکومت نے زائرین کیلئے تمام مزارات اولیاء کھولنے کا فیصلہ کر لیا۔تفصیلات کے مطابق وزیر اوقاف سندھ سہیل انور سیال نے کہا کہ بدھ سے سندھ بھر کے مزارات زائرین کیلئے کھول دیئے جائیں گے، مزارات مکمل ایس او پیز کے تحت کھولے جائیں گے۔

سہیل انور سیال نے کہا کہ بزرگان دین کے مزارات پر حاضری کے وقت زائرین ایس او پیز پر مکمل عملدرآمد کریں، عوام خود بھی کورونا سے بچیں اور اپنے پیاروں کو بھی بچائیں۔ صوبائی وزیر نے کہا مزارات پر حاضری کے دوران ماسک اور سماجی فاصلے کا خاص خیال رکھا جائے۔