صہیونیوں کی اکثریت نے غزہ جنگ میں اسرائیل کی جیت کو خارج از امکان قرار دیا، سروے رپورٹ

شیعہ نیوز: ایک صہیونی ادارے نے اپنی سروے رپورٹ میں بتایا ہے کہ نصف سے زیادہ صہیونیوں نے غزہ جنگ میں اسرائیلی حکومت کی فتح کو خارج از امکان قرار دیا ہے۔

النشرہ ٹی وی چینل نے بتایا ہے کہ ایک صہیونی ادارے کی جانب سے کئے گئے سروے کے نتائج سے پتہ چلتا ہے کہ نصف سے زائد صہیونی آبادکار تل ابیب حکام کے شدید پروپیگنڈوں کے برعکس غزہ میں عسکری جیت کو نا ممکن سمجھتے ہیں۔

یہ بھی پڑھیں : غزہ میں اسرائیلی بربریت جاری، مزید 118فلسطینی شہید اور 136 زخمی

اسرائیل ڈیموکریسی انسٹی ٹیوٹ کے ایک سروے سے پتہ چلتا ہے کہ 55% صیہونیوں کا خیال ہے کہ اسرائیل کے لیے غزہ میں مکمل فتح حاصل کرنے کے امکانات بہت کم ہیں۔

اس کے علاوہ مذکورہ سروے کے مطابق 60% صیہونیوں کا خیال ہے کہ وزیر اعظم نیتن یاہو کے خلاف بہت جلد زبردست مظاہرے شروع ہو جائیں گے۔

واضح رہے کہ نیتن یاہو کے خلاف رواں ہفتے کے آغاز سے مقبوضہ علاقوں میں بڑے پیمانے پر مظاہرے کیے گئے ہیں جس کا مقصد انہیں اور ان کی کابینہ کی برطرفی کی تحریک چلانا ہے۔