شہید صالح الصماد نے یمن کی مزاحمت کی توسیع میں منفرد کردار ادا کیا، عبد المالک الحوثی

شیعہ نیوز: یمن کی تحریک انصار اللہ کے سربراہ نے ملک کے میزائل یونٹ کے کمانڈر صالح الصماد کی شہادت کی برسی کے موقع پر انہیں خراج تحسین پیش کیا۔

رپورٹ کے مطابق یمن کی تحریک انصار اللہ کے سربراہ نے ملک کے میزائل یونٹ کے کمانڈر شہید صالح الصماد کی برسی کے موقع پر خطاب کیا۔

انہوں نے صالح الصماد کو یمنی مزاحمت کی توسیع میں منفرد کردار ادا کرنے والی اہم شخصیت کے طور پر یاد کرتے ہوئے انہیں خراج تحسین پیش کیا۔

یہ بھی پڑھیں : اسرائیل اور سعودی عرب کے درمیان تعلقات کے قیام کے لئے خفیہ مذاکرات جاری، صہیونی میڈیا

الحوثی نے مزید کہا کہ ہم محمد الضیف اور ان کے شہید ساتھیوں کی شہادت پر القسام بٹالینز، حماس اور فلسطینی قوم کو تعزیت پیش کرتے ہیں۔”

انہوں نے کہا کہ القسام بریگیڈ کے کمانڈر شہید محمد الضیف کا شمار پختہ ایمان اور عزم صمیم کے مالک مزاحمت کے مثالی قائدین میں ہوتا تھا۔

عبد المالک الحوثی نے واضح کیا کہ کمانڈر محمد الضیف کے القسام بٹالینز کو ایک جہادی فورس کے طور پر مضبوط کرنے کے اقدامات بہت موثر تھے جس کی وجہ سے یہ فلسطینی میدان میں ایک موثر عنصر بن گئی۔

یمن کی انصار اللہ کے رہنما نے زور دیا کہ طوفان الاقصی کے دوران القسام بریگیڈ کے اتحاد اور استقامت نے اس معرکے کی کامیابیوں کو محفوظ رکھا جو خدا کے فضل سے مزاحمت کو حاصل ہوئیں۔”