شہید سلیمانی جہاد فی سبیل اللہ کا عملی نمونہ تھے، ڈاکٹر مسعود پزشکیان
شیعہ نیوز: نومنتخب ایرانی صدر نے شہید جنرل قاسم سلیمانی کے گھر والوں سے ملاقات کے دوران کہا کہ شہید سلیمانی جہاد کا عملی نمونہ اور کرسی اقتدار کی ہوس سے پاک تھے۔
رپورٹ کے مطابق نومنتخب ایرانی صدر ڈاکٹر مسعود پزشکیان نے شہید جنرل قاسم سلیمانی کے اہل خانہ سے ملاقات کی۔
اس موقع پر ڈاکٹر پزشکیان نے کہا کہ شہید سلیمانی نے پوری عمر قوم کی خدمت میں گزاری۔ انہوں نے متعدد مرتبہ کہا کہ میری جان ہزار بار ایرانی قوم پر قربان ہو۔ وہ قومی اور امت مسلمہ کا درد رکھتے تھے اور فکری طبقات سے بالاتر رکھ کر عوام پر نظر رکھتے تھے۔
یہ بھی پڑھیں : عالمی عدالت کا فیصلہ خوش آئند، اسرائیل کا وجود غیر قانونی ہے، سعودی عرب
انہوں نے کہا کہ شہید سلیمانی اتحاد اور وحدت کے داعی تھے۔ نہ کسی سے تنازع تھا اور نہ کسی کو نظر انداز کرتے تھے۔ ہمیں بھی شہداء کی پیروی کرتے ہوئے ملک کی مشکلات حل کرنے کے لیے اتحاد اور ہمدلی سے کام کرنا ہوگا۔
پزشکیان نے کہا کہ شہید سلیمانی مجاہدت کا نمونہ تھے۔ انہوں نے کبھی اقتدار اور کرسی کہ خواہش نہیں کی۔ نئی حکومت کی خواہش ہوگی کہ خلوص کے ساتھ عوام کی خدمت کرے تاکہ شہداء کے سامنے سرخرو ہوجائے۔
ملاقات کے دوران شہید سلیمانی کے اہل خانہ نے کہا کہ عوام نئی حکومت سے یہی چاہتے ہیں کہ مقاومتی بلاک کی حمایت اور شہداء کو راہ کو جاری رکھے۔ اس مقصد کے لئے شہداء کی ارواح طیبہ حکومت کی مدد کریں گی۔
اس موقع پر شہید سلیمانی کے اہل خانہ نے نومنتخب صدر کو یادگاری پورٹریٹ پیش کیا۔
