ایران کے جنوب مشرق میں فوجی ہیلی کاپٹر کو حادثہ، اعلیٰ کمانڈر شہید

شیعہ نیوز: سپاہ پاسداران انقلاب کا ہیلی کاپٹر جنوب مشرقی صوبے میں گر کر تباہ ہوگیا ہے۔

رپورٹ کے مطابق سپاہ پاسداران انقلاب اسلامی کی زمینی افواج کا ایک انتہائی ہلکا طیارہ پیر کی صبح جنوب مشرقی صوبے میں گر کر تباہ ہو گیا ہے۔

یہ بھی پڑھیں : نیتن یاہو عالمی سطح پر خطرے کا باعث بن چکے ہیں، ترک وزیر خارجہ

سپاہ پاسداران انقلاب کی زمینی فورس کے قدس بیس کے تعلقات عامہ نے ایک بیان میں کہا ہے کہ ایک الٹرا لائٹ طیارے کو سیرکان کے جنوب مشرقی سرحدی علاقے میں جنگی کارروائیوں کے دوران حادثہ پیش آیا۔

بیان میں مزید کہا گیا ہے کہ اس حادثے میں صوبہ گلستان کے نینوا بریگیڈ کے کمانڈر بریگیڈیئر جنرل حامد مازندرانی اور ہیلی کاپٹر کے پائلٹ، گارڈز مین حمید جنداغی شہید ہو گئے۔