لبنان اور یمن سے مقبوضہ فلسطین پر میزائل حملے

شیعہ نیوز: میڈیا ذرائع نے یمن اور لبنان سے مقبوضہ فلسطین پر میزائل حملوں کی خبر دی ہے۔

رپورٹ کے مطابق صیہونی میڈیا ذرائع نے رپورٹ دی ہے کہ یمن اور لبنان سے میزائل داغے جانے کے بعد العربہ اور بحر المیت علاقوں میں خطرے کے سائرن بج اٹھے۔

اس رپورٹ کے مطابق خطرے کے سائرن کی آوازیں النقب کے جنوب میں واقع روتم اور اورون نامی صنعتی علاقوں میں بھی سنی گئی ہیں۔

یہ بھی پڑھیں : شہید حسن نصر اللہ نے خطے کے سیاسی معاملات میں اہم کردار ادا کیا، جت الاسلام ابو ترابی فرد

بعض صیہونی ذرائع ابلاغ نے رپورٹ دی ہے کہ ایک بیلسٹک میزائل یمن سے جنوبی مقبوضہ فلسطین پرداغا گیا ہے ۔

رپورٹوں کے مطابق العمارنی، عین حصبہ، اوفوت، نئووت ہاکیکر اور عین تمار میں بھی خطرے کے سائرن بج اٹھے ۔

صیہونی حکومت کی فوج کے ریڈیو نے بھی رپورٹ دی ہے کہ لبنان سے وسیع میزائل حملہ ہوا اور کریات شمونہ، مغربی الجلیل، حیفا اور عکا میں خطرے کے سائرن کی آوازین سنی گئی ہیں۔