ملتان، عالمی یوم القدس کے موقع پر ایس یو سی اور جے ایس او کے زیراہتمام تین الگ الگ ریلیاں نکالی جائیں گی
شیعہ نیوز: شیعہ علما کونسل پاکستان، جعفریہ سٹوڈنٹس ارگنائزیشن اور دیگر ملی جماعتوں کے زیراہتمام نماز جمعہ کے بعد جامع مسجد مومن آباد سے احتجاجی ریلی نکالی جائے گی جو اپنے مختلف راستوں سے ہوتی ہوئی چوک نواں شہر پہنچے گی۔ علاوہ ازیں شیعہ کونسل کے زیراہتمام سوتری وٹ سے ریلی نکالی جائے گی اور اسی طرح شیر شاہ سے بھی نماز جمعہ کے بعد ریلی نکالی جائے گی جو چوک نواں شہر پہنچ کر ایک بڑے اجتماع کی شکل اختیار کر لیں گی۔ جہاں پر علما اور قائدین خطاب کریں گے۔ واضح رہے کہ یوم القدس کے موقع پر ملتان میں تین بڑی الگ الگ ریلیاں نکالی جاتی ہیں، پہلی ریلی آئی ایس او پاکستان تحریک ازادی القدس کے نام سے نکالتی ہے، دوسری ریلی مجلس وحدت مسلمین عزاداری ونگ، یوتھ ونگ اور مجلس علما مکتب اہل بیت کے زیراہتمام نکالی جاتی ہے جبکہ تیسری ریلی شیعہ علما کونسل اور جے ایس او کے زیراہتمام نکالی جاتی ہے۔
