علامہ حسنین عباس گردیزی کی زیر صدارت مجلس علمائے مکتب اہلبیت جنوبی پنجاب کی صوبائی مجلس عاملہ کا اجلاس

شیعہ نیوز: مجلس علمائے مکتب اہلبیت جنوبی پنجاب کی صوبائی مجلس عاملہ کا اجلاس جامعہ شہید مطہری ملتان میں منعقد ہوا، اجلاس کی صدارت مرکزی صدر مجلس علمائے مکتب اہلبیت علامہ سید حسنین عباس گردیزی نے کی۔ اجلاس میں مرکزی رہنما علامہ نعیم الحسن نقوی، صوبائی صدر مجلس علمائے مکتب اہلبیت جنوبی پنجاب علامہ قاضی نادر حسین علوی شریک ہوئے۔

یہ بھی پڑھیں: آئی ایس او کا 6 اکتوبر کو امریکی سفارت خانہ کی جانب طریق القدس ریلی نکالنے کا اعلان

جس میں جنوبی پنجاب کے تمام اضلاع سے ہر ضلع کے دو نمائندگان اور صوبائی کابینہ کے عہدے داران شریک تھے۔ اجلاس میں تنظیمی امور کا جائزہ لیا گیا۔ صوبائی کارکردگی رپورٹ اور ہر ضلع کی کارکردگی رپورٹ پیش کی گئی۔ اجلاس میں آئندہ کے لائحہ عمل پر اور علما کو درپیش مسائل پر گفتگو کی گئی۔